O quinto tramo, que tamén se percorrerá de noite é todo de baixada, abandonando o alto da Serra do Barbanza e chegando á vila de Noia, a nivel do mar na ría de Noia. Logo de cear, baixarase por riba das canteiras de Tállara e a continuación pola divisoria dos concellos de Lousame e Noia, nunha zona cun notable desnivel (zonas con pendente do 20%, menos mal que son de baixada). No intervalo dun quilómetro descéndense 150m.
Pásase moi preto da Pedra da Moura, de Argalo, para chegar a Sobreviñas polo antigo Camiño Sacramental. Descéndese dende aquí nun tramo de 500 a carón da estrada (coidado!) ata a Ponte de Grande de Noia. Entramos no casco urbano de Noia e achegámonos ata a Praza do Tapal, onde se atopa a Igrexa de San Martiño. Voltaremos a cruzar o río de San Xusto para entrar no barrio de San Lázaro, onde se atopa o campo de fútbol da vila e lugar do avituallamento. (Nota: avituallamento con servizos hixiénicos).
- Tramo: Do km 46,4 ó km 53,0
- Distancia: 6,6 km
- Incremento acumulado de elevación: +74 m
- Pérdida acumulada de elevación: -513m
- Elevación media: 210m
- Elevación mínima: 1m
- Elevación máxima: 462m
Algúns lugares destacados neste tramo son:
- Cova da Moura (ou Anta de Argalo) – pásase preto
- Camiño Sacramental de Sobreviñas
- Pazo da Pena de Ouro
- Ponte Grande de Noia
- Praza do Tapal e Igrexa de San Martiño
Perfil
Mapa global na península do Barbanza
Mapa específico do tramo
Fotos
 |
 |
|---|---|
 |
 |
 |
 |
 |
 |
 |
 |
[Ver o tramo anterior, da Portela ó Alto de Guiende]
[Ver o tramo seguinte, de Noia ás Minas de San Fins]
